Ռուսաստանը, Թուրքիան ու Իրանը վերամշակում են Իդլիբում դեէսկալացիայի գոտու ստեղծումը


17-08-2017 23:13:58

Ռուսաստանի, Թուրքիայի ու Իրանի փորձագետները վերամշակում են Իդլիբի շրջանում դեէսկալացիայի գոտու ստեղծումը։ Այս մասին հինգշաբթի հայտնել է Ռուսաստանի ԱԳՆ պաշտոնական ներկայացուցիչ Մարիա Զախարովան, հայտնում է ՏԱՍՍ-ը։

«Աստանայի ձեւաչափով փորձագետները վերամշակում են Իդլիբում դեէսկալացիայի գոտու ստեղծումը»,- նշել է նա։

Դիվանագետը նաեւ փաստել է դրական միտումները Սիրիայում ռազմաքաղաքական մթնոլորտի զարգացման մեջ, այդ թվում ռազմական գործողությունների դադարեցման ռեժիմի ամրապնդումը ու դեէսկալացիայի գոտիների ստեղծումը երկրի հարավ- արեւմուտքում ու Հոմս նահանգի հյուսիսում։

Ռուսաստանի, Իրանի ու Թուրքիայի պատվիրակությունները Աստանայում բանակցությունների ընթացքում մայիսի սկզբին պայմանավորվել են Սիրիայի տարածքում ստեղծել դեէսկալացիայի չորս գոտիներ։ Երեք գոտիներ արդեն գործում են։


1110





Գլխավոր լուրեր