Ռենատա Լիտվինովան և Զեմֆիրան ամուսնացել են


05-10-2017 21:15:55

Լրագրողներին հայտնի է դարձել դերասանուհի, ռեժիսոր և սցենարիստ Ռենատա Լիտվինովայի և ռուս ռոք երգչուհի Զեմֆիրայի ամուսնության մասին: Արարողությունը տեղի է ունեցել Շվեդիայում, փոխանցում է RenTV-ն:

Պսակադրությունից հետո 50-ամյա Լիտվինովան և 41-ամյա Զեմֆիրան մեկնել են ամուսնական ճանապարհորդության. սկզբում նորապսակները եղել են Ստոկհոլմում, այնուհետև՝ մեկնել Տալլին:

Ռենատա Լիտվինովայի ներկայացուցիչները չեն մեկնաբանել այդ լուրը: Զեմֆիրան ևս զերծ է մնացել հարցերին պատասխանելուց:

Ռենատա Լիտվինովան մինչ Զեմֆիրայի հետ ծանոթանալը մի քանի անգամ ամուսնացած է եղել տղամարդկանց հետ: Երկրորդ ամուսնությունից նա ունի 16-ամյա դուստր:

Սոցցանցերում նրանց էջերում արարողության մասին վկայող նկարներ դեռ չեն հրապարակվել: Իսկ ահա օգոստոսի 26-ին՝ Զեմֆիրայի ծննդյան օրը, Լիտվինովան շնորհավորել է նրան ջերմ խոսքերով՝ տեղադրելով ռոմանտիկ լուսանկար:

 

 

 

 


4723





Գլխավոր լուրեր