Հրապարակվել են Սարգսյան–Ալիև հանդիպման արդյունքները


16-10-2017 18:13:47

Քիչ առաջ Ժնևում ավարտվեց Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի հանդիպումը, որը կայացավ ԵԱՀԿ ՄԽ համանախագահների միջնորդությամբ։

ԵԱՀԿ ՄԽ–ն հանդես է եկել հայտարարությամբ`ամփոփելով հանդիպման արդյունքները։

ԵԱՀԿ ՄԽ–ի հայտարարության մեջ մասնվորապես ասվում է. «Այսօր Ժնևում կայացավ Հայաստանի և Ադրբեջանի նախագահներ Սերժ Սարգսյանի ու Իլխամ Ալիևի գագաթնաժողովը։ Մինսկի խմբի համանախագահների`Իգոր Պոպովի (ՌԴ), Ստեֆան Վիսկոնտիի (Ֆրանսիա) և Էնդրյու Շեֆերի (ԱՄՆ) հովանու ներքո կազմակերպված հանդիպմանը ներկա էին նաև երկու երկրների արտգործնախարարները` Էդվարդ Նալբանդյանը և Էլմար Մամեդյարովը։ Գագաթնաժողովին մասնակցել է նաև ԵԱՀԿ ՄԽ գործող նախագահի անձնական ներկայացուցիչ Անջեյ Կասպրշիկը»։

Ինչպես նշվում է հայտարարության մեջ, հանդիպումը կայացել է կառուցողական մթնոլորտում։

«Նախագահները համաձայնություն են ձեռք բերել միջոցներ ձեռնարկելու բանակցային գործընթացն ակտիվացնելու ուղղությամբ և նախաձեռնել լրացուցիչ քայլեր շփման գծում լարվածությունը նվազեցնելու նպատակով», – նշվում է կառույցի հայտարարության մեջ։

«Համանախագահները բավարարված են երկու երկների նախագահների բանակցություններից, որոնք տեղի ունեցան երկար ընդմիջումից հետո։ Նրանք վերահաստատում են իրենց պատրաստակամությունը աշխատել կողմերի հետ` բանակցությունների միջոցով ղարաբաղյան հակամարտության խաղաղ կարգավորման համար։ Որպես հաջորդ քայլ` համանախագահները մոտ ապագայում կկազմակերպեն աշխատանքային հանդիպումներ երկու երկների ԱԳ նախարարների մասնակցությամբ», – ասվում է հայտարարության մեջ։


935





Գլխավոր լուրեր